Uly Jeńistiń mańyzdylyǵy men ardagerlerdiń batyrlyǵyn eskersek, mundaı qoldaý olardyń ómirlik eńbegin laıyqty baǵalaý bolar edi, dep habarlaıdy aqshamnews.kz.
Bıylǵy jyly Jeńistiń 80 jyldyǵy atap ótiletindikten, bul erekshe dataǵa ardagerlerge erekshe qurmet kórsetilýi tıis.
Bıyl ardagerlerge beriletin tólem kólemi 2,5 ese ósip, 5 mıllıon teńgeni qurady.
Negizgi sanattar men tólemder:
1. Uly Otan soǵysynyń ardagerleri – 5 mıllıon teńge.
2. Ardagerlerge teńestirilgen azamattar – 45 AEK (176 940 teńge). Buǵan jatatyndar:
Uly Otan soǵysy kezinde áskerı qyzmette bolǵandar;
Fashısik Germanıaǵa qarsy soǵysqa qatysqandar;
Lenıngrad qorshaýy kezinde jumys istegender;
Konslager tutqyny bolǵan kámeletke tolmaǵandar;
Soǵys saldarynan jaraqat alyp, múgedektik alǵan áskerı qyzmetkerler;
Radıoaktıvti apattardan zardap shekkender jáne olardyń radıasıadan múgedektik alǵan balalary.
3. Basqa memleketterdegi áskerı is-qımyldardyń ardagerleri – 45 AEK (176 940 teńge). Buǵan Tájik-Aýǵan shekarasyndaǵy, Iraktaǵy beıbitshilik operasıalaryna jáne Taýly Qarabahtaǵy etnıkaaralyq qaqtyǵystardy retteýge qatysqan áskerı qyzmetkerler kiredi.
4. Tyl eńbekkerleri, qaza tapqan áskerı qyzmetshilerdiń otbasylary, Uly Otan soǵysy múgedekteriniń jubaılary – 15 AEK (58 980 teńge).