Dıspecherlik qyzmet, áýe qozǵalysyn uıymdastyrý júıesi jáne áýe shabýylyna qarsy qorǵanys júıesi laýazymdy tulǵalarynyń áreketin baǵalaý úshin keshendi uıymdastyrý-tehnıkalyq sot-medısınalyq saraptama komısıasy taǵaıyndaldy, dep habarlaıdy aqshamnews.kz RF Tergeý komıtetine silteme jasap.
Reseıdiń Tergeý komıteti 2024 jylǵy 25 jeltoqsanda Qazaqstan Respýblıkasynyń aýmaǵynda 39 adamnyń qaza bolýyna jáne 28 adamnyń densaýlyǵyna zıan keltirilýine (RF QK 263 baby) ákelgen «Ázerbaıjan áýe jelileri» áýe kompanıasynyń Embraer-E190 ushaǵynyń apatqa ushyraýy boıynsha qylmystyq isti tergeý amaldaryn jalǵastyryp otyr, - delingen RF TK resmı ókili S.Petrenkonyń málimdemesinde.
Atap ótilgendeı, tergeý Ázerbaıjan Respýblıkasy men Qazaqstan Respýblıkasynyń quzyrly organdarymen árekettestik ornatqan. Memleketaralyq avıasıa komıtetiniń mamandarymen birlese otyryp Brazılıanyń avıasıalyq oqıǵalardy tergeý jáne aldyn alý ortalyǵynda (SENIPA) ushaqtyń ózdiginen jazǵysh quralyndaǵy derekter zerttelý ústinde.
Groznyı, Mahachkala jáne Mıneralnye vody dıspecherleri men áýe kemesiniń komandıri arasyndaǵy áńgimeler taldanyp jatyr. Keshendi avıasıalyq-tehnıkalyq saraptama taǵaıyndaldy. Áýe kemesiniń barlyq júıeleriniń jaǵdaıy, sondaı-aq zattaı aıǵaqtar zerttelip jatyr.
Tergeý qaıǵyly oqıǵanyń sebepterine qatysty barlyq yqtımal nusqalardy qarastyrýda.
Aıta keteıik, 25 jeltoqsanda Qazaqstannyń Aqtaý qalasyna jaqyn jerde AZAL-ǵa tıesili jáne Baký-Groznyı reısin oryndaǵan jolaýshylar ushaǵy apatqa ushyraǵan bolatyn. Ushaq bortyndaǵy 67 adamnyń 38-i qaza taýyp, 29-y aman qaldy.