Jeńis Qasymbek Astana qalasynyń ákimi laýazymyna taǵaıyndaldy.
Bul týraly Aqordanyń resmı saıtynda jarıalandy, dep habarlaıdy Almaty-akshamy.kz.
«Jeńis Mahmuduly Qasymbek Astana qalasynyń ákimi laýazymyna taǵaıyndalsyn», - delingen Prezıdent qol qoıǵan Jarlyqta.
Jeńis Mahmýduly Qasymbek 1975 jyly Jambyl oblysynda dúnıege keldi. Qazaq memlekettik sáýlet-qurylys akademıasyn «Sáýletshi-dızaıner» mamandyǵy boıynsha, 2001 jyly L. Gýmılev atyndaǵy Eýrazıa memlekettik ýnıversıtetin «Memlekettik jáne jergilikti basqarý» mamandyǵy boıynsha aıaqtady.
Eńbek jolyn 1997 jyly Qazaq memlekettik sáýlet-qurylys akademıasynda taǵylymger-zertteýshi bolyp bastaǵan.
1998-2000 jyldary QR monopolıaǵa qarsy saıasat jónindegi komıtetiniń bólimin basqardy.
QR KKM Sý kóligi departamentiniń dırektory bolyp jumys istegen.
2004 jyldan 2005 jylǵa deıin «Aqtaý halyqaralyq teńiz saýda porty» RMK dırektory boldy.
2005 jylǵy qarashada Kólik jáne komýnıkasıa vıse-mınıstri bolyp taǵaıyndaldy. Sodan keıin Kólik jáne komýnıkasıa mınıstrliginiń jaýapty hatshysy boldy. Keıinirek Kólik jáne komýnıkasıa mınıstri qyzmetin atqarǵan. Budan keıin Investısıalar jáne damý mınıstri, Indýstrıa jáne ınfraqurylymdyq damý mınıstri bolyp jumys istedi.
2019 jylǵy 25 aqpanda QR Premer-mınıstriniń orynbasary boldy.
2019 jylǵy 19 qyrkúıekte Qaraǵandy oblysynyń ákimi bolyp taǵaıyndaldy.