Parlament Senatynda sondaı-aq jyljymaly kıiz úılerdiń óndirisin qolǵa alý usynyldy.
Depýtat Nurtóre Júsiptiń aıtýynsha, plasık materıaldardan úı salý qıyn emes. «Jyljymaly baspanada tótenshe jaǵdaı kezinde kúneltýge bolady deıdi», - senator.
Sondaı-aq, ol túrli tabıǵı apat kezinde qazaqstandyqtardyń qaýipsizdigi máselesin qozǵady. Apat bolǵan jaǵdaıda, el ishinde dúrbeleń bolmas úshin qandaı amal-aıla bar ekenin depýtattyq saýalynda surady, dep habarlaıdy Almaty-akshamy.kz 24.kz-ke silteme jasap.
«Úshtóbede bir kezderi kıiz úı shyǵaratyn zaýyt jumys istegen, qazir ol jabyldy. Búginde kıiz úıdi tek qandastardan tabýǵa bolady. Nege Qazaqstanda jyljymaly kıiz úı óndirisin qolǵa almasqa? Saıahatqa, qonys aýdarýǵa yńǵaıly baspana jasaý úshin zamanaýı tehnologıalardyń jetistikterin paıdalaný kerek. Qazir mundaı úıdi jeńil temirden nemese plasıkalyq materıaldardan salý ońaı. Osyndaı jyljymaly úılerdi avarıalyq jaǵdaılarda turaqty paıdalaný múmkindigin negizge alý kerek», - dedi QR Parlamenti Senatynyń depýtaty Nurtóre Júsip.