«Sary-Arqa kompanı» jekemenshik temirjol tasymaldaýshysy vagon parkin jańartýdy jalǵastyryp, jelige jańa úsh plaskart vagon shyǵardy.
Tasymaldaýshy buǵan deıin erekshe qajettiligi bar jandarǵa arnalǵan arnaıy vagondy iske qosty, - dep habarlaıdy Aqshamnews.kz.
Jańa vagondar zamanaýı jabdyqtarmen erekshelenedi. Olardyń ishinde kondısıonerler, tońazytqyshtar, arnaıy peshter, rozetkalar men gadjetterdi qýattaýǵa arnalǵan USB-uıashyqtar ornatylǵan. Qaýipsizdik úshin beınebaqylaý kameralary men 4G-modemder qoıylǵan, al qyzmet kórsetý sapasyn arttyrý maqsatynda jolaýshylarǵa QR arqyly pikir qaldyrý júıesi engizildi.
Búginde kompanıanyń 23 vagony beınebaqylaý júıesimen jabdyqtalǵan, bul "Astana – Oral" baǵyty boıynsha saparlardy qaýipsiz ári jaıly etedi.