Almatyda 3180 metr bıiktikke shyqqan úsh adam tumanda adasyp qalǵany anyqtaldy, - dep habarlaıdy Aqshamnews.kz.
TJM málimetinshe, keshe teńiz deńgeıinen Sovet shyńyna kóterilgen úsh týrıs qıyn jaǵdaıda qaldy. Olar aýa raıynyń kúrt nasharlaýyna baılanysty: taýly aımaqty qalyń tuman basqandyqtan, shyńnan ózdiginen túse almaǵan.
TJM Respýblıkalyq jedel-qutqarý jasaǵynyń qutqarýshylary Almaty qalasy TJD Qutqarý qyzmetimen birlesip, dereý izdeý jumystaryna kiristi. Týrısermen baılanys úzilmeı, olardyń turaqty jeri anyqtaldy.
«Úılesimdi jáne jedel jumystyń nátıjesinde qutqarýshylar topqa sátti jetip, úsh týrısi taýdan túsirdi. Olarǵa medısınalyq kómek qajet bolǵan joq», – delingen TJM habarlamasynda.