Qazaqstan TMD elderi arasynda iskerlik týrızm kóshbasshylarynyń biri atandy. Eki birdeı halyqaralyq uıymnyń ókilderi elimizge kelip, ishki týrızmniń jaı-kúıimen tanysty, dep habarlaıdy Almaty-akshamy.kz Kazakh Tourism ulttyq kompanıasynyń baspasóz qyzmetine silteme jasap.
Eýropa boıynsha halyqaralyq kongrester men konferensıalar qaýymdastyǵynyń (ICCA) óńirlik menedjeri Efı Kýdelı jáne IMEX Frankfurt halyqaralyq kórmesiniń ókili Lız Brand bastaǵan halyqaralyq is-sharalardy uıymdastyrýshylar men BAQ ókilderi Astana jáne Almaty qalalaryna saparmen keldi.
Delegasıa qazaqstandyq seriktestermen jáne týrısik bıznes ókilderimen yntymaqtastyq jáne halyqaralyq is-sharalardy ótkizý boıynsha kezdesý ótkizdi. Kezdesýge qonaq úı ókilderi, is-sharalar ótkizetin alańdardy basqarýshy kompanıalardyń basshylary men týroperatorlar qatysty.
ICCA talaptaryna sáıkes, reıtıńige ený úshin jylyna kem degende 3 halyqaralyq deńgeıdegi ótkizý kerek. Sonymen qatar, uıymdastyrylǵan is-sharalarǵa joq degende 50 halyqaralyq delegasıa qatysýy mindetti.
Atalǵan qaýymdastyqtyń statısıkasyna sáıkes, 2013-2022 jyldar aralyǵynda Qazaqstanda tamyz-qazan aıy aralyǵynda 50-den 500-ge deıin delegasıanyń qatysýymen is-shara ótti.
«Eýropa boıynsha óńirlik menedjer retinde, bul – meniń alǵashqy saparym. Sapar barysynda týrısik qoǵamdastyq ókilderimen tanysyp, Ortalyq Azıada halyqaralyq is-sharalardy ótkizýde kóshbasshy qalalardyń biri sanalatyn Astana men Almatynyń iskerlik týrısik ınfraqurylymymen tanysqanyma qýanyshtymyn», - deıdi Eýropa boıynsha halyqaralyq kongrester men konferensıalar qaýymdastyǵynyń (ICCA) óńirlik menedjeri Efı Kýdelı.
ICCA-nyń ótken jylǵy elder men qalalar reıtıńisinde Qazaqstan Grýzıa men Ázirbaıjannan keıin úshinshi orynda ornalasqan. Al, ótkizilgen halyqaralyq is-sharalar sany boıynsha óńirdiń bes eli arasynda úshinshi orynda tur (Almaty – úshinshi qala, Astana – besinshi).
2019 jyly MICE ındýstrıasy elimizge 1 trln AQSH dollar ınvestısıa ákeldi, 10 mln jumys ornyn quryp, 1,5 mlrd-qa jýyq týrıs jınady. Bul iskerlik týrızm ádettegi jeke týrızmge qaraǵanda 3 ese kóp paıda ákeletinin kórsetedi. MICE qoldaý baǵdarlamasyn turaqty qarjylandyrý jaǵdaıynda Qazaqstannyń óńirde iskerlik týrızmdi ilgeriletýde kóshbasshy bolýǵa barlyq múmkindigi bar.
Aıta keteıik, MICE ındýstrıasy – ártúrli korporatıvtik jáne iskerlik is-sharalardy uıymdastyrýmen jáne ótkizýmen baılanysty iskerlik týrızm ındýstrıasynyń salasy.
ICCA (International Congress and Convention Association) – halyqaralyq kongrester men konferensıalar qaýymdastyǵy, bul – halyqaralyq qaýymdastyqtardyń kezdesý ındýstrıasy úshin jahandyq qaýymdastyq jáne bilim ortalyǵy.