Astanadaǵy «Qazmedıa ortalyǵynda» 2024 jylǵy 25-27 qyrkúıek aralyǵynda medıa jáne sıfrlyq komýnıkasıalar salasyn damytý máselelerine arnalǵan «Astana Media Week 2024» forýmy ótti.
Medıa kompanıalardyń jetekshi sarapshylary, halyqaralyq uıymdardyń ókilderi jáne tanymal jýrnalıser ındýstrıa aldynda turǵan ózekti máselelerdi talqylady, dep habarlaıdy aqshamnews.kz.
İskerlik baǵdarlama medıa transformasıa prosesterine qatysatyn jáne aýdıtorıamen ózara is- qımyl jasaýdyń jańa formattaryn izdeıtinderdiń bári úshin tartymdylyq ortalyǵyna aınaldy.
Anyq emes máseelelerdiń artýy ári zamanaýılyqtyń daǵdarys jaǵdaıy saldarynan medıakeńistik tereń ózgeristerge ushyraýda. Sondyqtan búginde ulttyq medıaekojúıeniń turaqtylyǵyn nyǵaıtý, aýdıtorıamen ózara is-qımyldyń jańa formattaryn tabý jáne buryn-sońdy bolmaǵan ınovasıa deńgeıinde jýrnalısıkaǵa degen senimdi qalyptastyrý burynǵydan da mańyzdy.
Segiz jyl ishinde Astana Media Week Qazaqstanda medıanyń damýyna aıtarlyqtaı áser etken bastamalardy júzege asyrdy. Bul úrdis odan ári jalǵasýda jáne qoǵamdaǵy medıanyń rólin nyǵaıtý jolynda 2024 jyldyń medıa oqıǵasy taǵy bir mańyzdy qadam boldy.
Astana Media Week 2024 ashyq dıalog, ınovasıa jáne proseske qatysýshylardyń bári birlesip kúsh-jigerlerin jumsaıtyn ári qazaqstandyq medıa ındýstrıanyń bolashaǵy qalyptasatyn platforma bolyp tabylady.
Bıylǵy jyly medıany quqyqtyq transformasıalaýǵa, kópplatformaly ekojúıelerdi damytýǵa, óńirlik, sporttyq jáne salalyq jýrnalısıkaǵa, balalar kontentine jáne áleýmettik shıelenisti basqarýdaǵy ahýaldyq ortalyqtardyń róline erekshe nazar aýdaryldy.
Bıylǵy jyly is-sharaǵa DW (Germanıa), NHK (Japonıa), Azıa-Tynyq muhıty habar taratý ortalyǵy (ABU), CGTN (Qytaı), TRT World (Túrkıa), «Iandeks plús», Setanta Sports (Grýzıa) syndy halyqaralyq medıa uıymdar ókilderi qatysty.
Sarapshylar men ındýstrıa kóshbasshylary ózderiniń biregeı kózqarastary men tájirıbelerin usyndy, bul qatysýshylarǵa jahandyq trendterge enýge jáne medıakommýnıkasıa salasyndaǵy ozyq tájirıbelermen almasýǵa múmkindik berdi.