Astana prokýratýrasy alaıaqtyq jáne laýazymdy tulǵalardy asa iri kólemde para berýge ıtermeleý boıynsha qylmystyq is tergeýin aıaqtady, dep habarlaıdy aqshamnews.kz.
Prokýratýranyń málimetinshe, osydan 6 jyl buryn sot úkimimen para berýshige 672 mıllıon teńge kóleminde aıyppul salynǵan.
«Jazadan jaltarý úshin para berýshi ýákiletti organǵa aıyppuldy tolyq tólegeni týraly jalǵan qujat usynǵan. Qalalyq prokýratýra bul qylmystyq derekti der kezinde anyqtap, sottalǵannyń jazasy aıyppuldan 10 jyl bas bostandyǵynan aıyrýǵa aýystyryldy», - delingen habarlamada.
Odan ári tergeý nátıjesinde, sottalǵanǵa mıllıondaǵan dollar aıyppul tóleýden jaltarýǵa kómektesken adam ustaldy.
«Alqabılerdiń qatysýymen shyqqan sot úkimimen kináli tulǵa asa iri mólsherde alaıaqtyq jáne laýazymdy tulǵaǵa asa iri mólsherde para berýge ıtermelegeni úshin múlki tárkilendi. Sondaı-aq memlekettik qyzmetpen aınalysý quqyǵynan ómir boıyna aıyrylyp, 10 jylǵa bas bostandyǵynan aıyrý jazasyna kesildi», - delingen habarlamada.