Qazaqstandyqtardyń energetıka salasyndaǵy belsendiligi artqany baıqalady. «Qazaqstandyq qoǵamdyq damý ınstıtýty» 17 oblys pen respýblıkalyq mańyzǵa ıe 3 qalada áleýmettik saýalnama júrgizip, 8 myńǵa jýyq adamnyń 64%-i jalpyulttyq referendýmǵa qatysýǵa daıyn ekendigin kórsetti.
Jaqynda ınstıtýt ókilderi Aqtaý qalasynda energetıka salasynyń mamandary men belsendi azamattardyń qatysýymen jıyn ótkizdi. «Sarap» eksperttik klýby júrgizgen zertteýlerdiń nátıjeleri talqylanyp, qatysýshylar AES salý týraly pikir almasty. Sarapshylar qatysýshylardyń usynystaryn ortalyq memlekettik organdarǵa jetkizýge ýáde berdi.
Oljas Beısenbaev, «Qazaqstandyq qoǵamdyq damý ınstıtýty» KEAQ basqarma tóraǵasynyń orynbasary: "Bul bir jaǵynan halyq arasynda júrgizilip jatqan túsindirý jumystarynyń nátıjesi dep bilemin. AES salý máselesinde jergilikti tájirıbeli mamandardyń pikirin estý óte mańyzdy. Biz Almaty, Soltústik Qazaqstan oblystarynda da mamandardyń kózqarastaryn tyńdadyq. Búgingi tańda qaýipsizdik, ekologıa, maman daıarlaý máseleleri óńirlik deńgeıde de talqylanyp jatyr."