6 shilde – elorda kúnine oraı 100-den astam mádenı, sporttyq jáne tanymdyq is-shara ótedi, dep habarlaıdy Almaty-akshamy.kz QazAqparatqa silteme jasap.
«Maýsym-shilde aılary aralyǵynda qala kúnin merekeleýge Astana qalasy Mádenıet basqarmasyna qarasty 12 mekemeniń kúshimen 100-den astam is-shara josparlanyp otyr. Búginde onyń keıbiri bastalyp ta ketti», - dedi Astana qalasy ishki saıasat basqarmasynyń basshysy Dáýren Babamuratov qalalyq komýnıkasıalar qyzmeti alańynda ótken brıfıńte.
Elorda kúnine oraı ótetin is-sharalar:
30 maýsym «Jastar» teatrynda «Taptym. Ǵashyq boldym. Joǵalttym» múzıkli jáne 1-2 shilde Mýzykalyq jas kórermen teatrynyń halyqtyń ystyq yqylasyna bólengen «Gaýhartas» mýzykalyq dramasy qoıylady.
1 shilde Amfıteatrda «Aıalaǵan Astana» ónerli jas ánshilerdi tárbıeleýge arnalǵan mýzykalyq baıqaýdyń gala-konserti.
2 shilde Dombyra kúni. EKSPO alańynda kópshilikke «Dombyra dastan» shoý-konserti usynylady.
2 jáne 3 shildede «Qalamgerler» aleıasy men №5 balalar kitaphanasynda Qazaqstan jazýshylar odaǵymen birge «Astana – shabyt arqaýy» aqyn-jazýshylarmen kezdesýler sıkli ótedi.
3 shilde Beıbitshilik jáne kelisim saraıynda «Altyn mura» Qazaqstannyń eń úzdik dástúrli ánshi, kúıshi, jyrshylarynyń merekelik konserti ótedi.
4 shilde «Astana» konsert zalynda «Ázil álemi» mýzykalyq ázil-ysqaq keshi ótedi.
4 shilde «Jastar» saraıynda Astana qalasy Mádenıet basqarmasyna qarasty «NAZ» memlekettik bı teatrynyń «QAZAQ JÁDİGERLERİ» konserttik baǵdarlamasy usynylady.
5 shilde Amfıteatrda halyq arasynda tanymal ártúrli aspapta oryndaýshylardyń «Elorda áýeni» shoý-konserti ótedi.
5-6 shilde EKSPO alańynda balalar men eresekterge arnalǵan «Gúl Astana» EKO festıvali ótedi.
5-6 shilde «Gúl shahary – Astana» respýblıkalyq sýretshiler pleneri josparlanǵan.
5-6 shilde Ázirbaıjan Mámbetov atyndaǵy memlekettik drama jáne komedıa teatrynda «Bolmaǵan balalyq shaq» dramasy usynylady.
5, 6, 8 shilde Mýzykalyq jas kórermen teatry «Qyz-Jibek» etno-folklorlyq múzıkli premerasyn usynady.
6 shilde qalanyń shet aımaǵyndaǵy turǵyn úı alaptarynda «Dýmandy Astana» konsertteri ótedi.
6 shilde EKSPO alańynda OPEN AIR ashyq aspan astyndaǵy merekelik konsert ótedi.
6-8 shilde Ortalyq saıabaqta otbasylyq demalysqa arnalǵan MEREKE STREET festıvali ótedi.
7 shilde «KITAP FEST» respýblıkalyq kitap kórmesi.
8-9 shilde kóshe taǵamdarynyń festıvali ótedi.