Eńbek jáne halyqty áleýmettik qorǵaý birinshi vıse-mınıstri Aqmádı Sarbasov Ortalyq komýnıkasıalar qyzmetinde azamattarǵa memlekettik qoldaý sharalaryn kórsetýdiń jańa tásili týraly aıtty, dep habarlaıdy Almaty-akshamy.kz.
«2025 jyldan bastap ataýly áleýmettik kómek berý úshin kedeılik shegi búgingi kúnkóris deńgeıi arqyly emes, medıandyq tabys deńgeıi arqyly anyqtalatyn bolady», - dedi ol.
Sonymen qatar, Sarbasov 1 shildeden bastap QR Áleýmettik kodeksinde kózdelgen sharalar halyqaralyq tájirıbeden alynǵanyn aıtty.
«Biz Ekonomıkalyq yntymaqtastyq jáne damý uıymy elderiniń tájirıbesin zerttedik. Búginde AQSH-taǵy kedeılik shegi medıanalyq kiristiń 40 paıyzyna, Kanadada - 50, Shvesıa, Norvegıa, Danıa, Avstrıa, Germanıa jáne Fransıada 60 paıyzyna para-par. Biz de osy tájirıbeni engizýdi kózdep otyrmyz», - dedi ol.
Bul rette Áleýmettik kodekste balalary bar otbasylarǵa áleýmettik qoldaýdyń qosymsha sharalary kózdelgen: bala kútimine baılanysty tólemder merzimin 1,5 jasqa deıin uzartý jáne ataýly áleýmettik kómek alýshylar qatarynan 1 jastan 6 jasqa deıingi balalarǵa arnalǵan natýraldy paketti monetızasıalaý; «Altyn» nemese «Kúmis alqamen» nagradtalǵan analar degen jańa statýs berý, 7 jáne odan da kóp bala tapqan áıelderge járdemaqyny ósirý.