Aýa raıynyń qolaısyzdyǵyna baılanysty Astana halyqaralyq áýejaıy eskertý jarıalady, dep habarlady áýejaıdyń baspasóz qyzmeti.
10 qańtarda aýa raıynyń buzylýyna baılanysty eskertý jarıalandy.
Búgin saǵat 14:00-20:00 aralyǵynda jeldiń jyldamdyǵy 22 m/s-dan 27 m/s-ǵa deıin jetýi múmkin. Mundaı aýa raıynda áýe reısteri toqtatylýy nemese keshigýi múmkin. Qazir áýe aılaǵynda qalyń qar jaýyp, jeldiń ekpini 15 m/s-ǵa jetti, - dep jazylǵan habarlamada.
Búgin elorda áýejaıynda 75 reıs josparlanǵan. 7 reıs tehnıkalyq sebepke baılanysty keshigip jatyr. Aýa raıynyń qolaısyzdyǵyna baılanysty reısterdiń keshigýi nemese shegerilýi tirkelmedi.
Áýeaılaqty qardan tazartý jumysy úzdiksiz júrip jatyr. Oǵan 10 arnaıy tehnıka jumyldyryldy.
Reıster