Burynǵy qujattar elordanyń jańa ataýy kórsetilgen qujattarmen qatar zańdy kúshine ıe bolady.
QR Ádilet mınıstri Qanat Mýsın elordanyń burynǵy ataýyn qaıtarý azamattarǵa qujattaryn shuǵyl túrde aýystyrýdy talap etpeıtinin aıtty, dep habarlaıdy Almaty-akshamy.kz
«Astananyń ataýyn ózgertý azamattarǵa quqyq belgileıtin qujattardy aýystyrý jónindegi mindetti júktemeıdi. Buryn alynǵan qujattar elordanyń jańa ataýy kórsetilgen qujattarmen qatar zańdy kúshine ıe bolady. Osy oraıda azamattarǵa qujattaryn shuǵyl túrde aýystyrýynyń qajeti joq. Qujattarda elordanyń burynǵy ataýyn kórsetý olardyń jaramsyzdyǵyna ákelmeıdi. Sondyqtan qazirgi qoldaryndaǵy qujattardy paıdalanýǵa bolady», - dep túsindirdi Q. Mýsın.
Onyń aıtýynsha, qalalyq máslıhat elordanyń burynǵy ataýyn qaıtarýdy talqylaý kezinde qosymsha shyǵyndar bolmaıtynyn málimdegen. Ǵımarattardaǵy ataýlardy shuǵyl túrde aýystyrýdyń eshqandaı qajet joq. Bul jumystar josparly túrde atqarylady.
«Qazirgi kezde qujat aınalym sıfrlyq formatta júrgizilgennen keıin, bul baǵytta da qosymsha shyǵyndar bolmaıdy», - dedi mınıstr.