Qyrǵyzstan men Tájikstan SİM basshylary kelissózder júrgizdi.
Qyrǵyzstan SİM Tájikstannyń Syrtqy ister mınıstrligine zańsyz jáne destrýktıvti áreketter týraly narazylyq notasyn tabys etti, dep habarlaıdy Almaty-akshamy.kz Inbusiness.kz silteme jasap.
«Qyrǵyz tarapy 16 qyrkúıekte buryn qol jetkizilgen barlyq ýaǵdalastyqtarǵa qaramastan, Tájik tarapy qarýly kúshterdi, aýyr áskerı tehnıkany paıdalana otyryp, Qyrǵyz Respýblıkasynyń Batken oblysynyń Batken jáne Leılek aýdandaryndaǵy qyrǵyz-tájik memlekettik shekarasynyń búkil perımetri boıynsha shekaralyq jáne azamattyq obektilerge opasyzdyqpen shabýyl jasaǵanyn atap ótti», - delingen Qyrǵyzstan SİM habarlamasynda.
Qyrǵyzstan tarapy qol jetkizilgen barlyq ýaǵdalastyqtardy múltiksiz saqtaýdy, atysty toqtatýdy jáne áskerı quralymdardy alyp ketýdi talap etti. Shekara mańyndaǵy aýmaqtardaǵy jaǵdaıdyń ýshyǵýyna ákep soqtyrýy múmkin jaǵdaı týǵyzbaı, shekarada týyndaıtyn barlyq problemalar tek saıası-dıplomatıalyq quraldarmen sheshilýi tıis ekenin taǵy da erekshe atap ótti.