Medeý aýdanyna qarasty «Belsendi ómir súrý ortalyǵy» Naýryz merekesin atap ótýdi jalǵastyrýda. Kóktem merekesin qalamyzdaǵy ardagerler uıymy da atap ótti. Qarıalar qaýymy konserttik baǵdarlama uıymdastyryp, bir-birin áz-Naýryzdyń kelýimen quttyqtady.
Naýryz merekesin qyryq kún boıy atap ótý dástúrin megapolıste byltyrdan beri jańǵyrtylýda. Ǵasyrdan jalǵasqan ádet-ǵurypty aqsaqaldarymyz jastarǵa úlgi etip nasıhattaýda. Naýryz merekesin sáýir aıynda atap ótken olar konserttik baǵdarlama uıymdastyryp, barshany jańarý men jańǵyrý merekesimen quttyqtady.
Jalpy, búgingi tańda klýbtyń 100-ge jýyq múshesi bar. Qarıalar bul uıymda bos ýaqytyn tıimdi ótkizip, jas urpaqtyń tárbıesine atsalysady.
Konsert kezinde qarıalar óner kórsetip, ánnen shashý shashty. Naýryz merekesin osylaısha ardagerler dúrkiretip atap ótti.