Qazaqstan Prezıdenti Qasym-Jomart Toqaev Qazaqstan halqy Assambleıasynyń HHHİV sesıasynda sóılegen sózinde QHA-nyń el ishindegi eńbek mádenıetin nyǵaıtýdaǵy mańyzyn atap ótti. Bul týraly Aqshamnews.kz saıty habarlaıdy.
Memleket basshysy Assambleıanyń tek etnosaralyq kelisimdi ǵana emes, kásibılik pen eńbekqorlyq sıaqty qoǵam úshin mańyzdy qundylyqtardy da nasıhattap kele jatqanyn aıtty. Onyń aıtýynsha, Assambleıa múshesi Aleksandr Papp «Jumysshy mamandyqtary jylyn» ótkizýge belsene atsalysqan.
Sondaı-aq, ótken jyly Eńbek kúnine oraı Senat pen Máslıhat depýtattary Assambleıa múshelerimen birge elimizdiń iri kásiporyndaryna baryp, eńbek ardagerlerine qurmet kórsetken. Prezıdent bul bastamany jańa dástúr retinde jalǵastyrýdy usyndy.
"QHA búginde qoǵamdyq kelisimniń biregeı ınfraqurylymyn qalyptastyrǵan qýatty tarmaqtary bar ınstıtýtqa aınaldy. Jer júzinde mundaı biregeı uıym qura bilgen memleket kemde-kem", – dedi Toqaev.
Prezıdenttiń aıtýynsha, Assambleıanyń arqasynda eldegi barlyq etnostar Qazaqstandaǵy oń ózgeristerdiń bel ortasynda júr.