Memleket basshysy Qasym-Jomart Toqaev Eńbek jáne halyqty áleýmettik qorǵaý mınıstrin taǵaıyndady, dep habarlaıdy Aqshamnews.kz tilshisi.
"Memleket basshysynyń Jarlyǵymen Asqarbek Maratuly Ertaev Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndaldy", – delingen Aqordanyń habarlamasynda.
Aıta keteıik, osyǵan deıin mınıstr bolǵan Svetlana Jaqypova qyzmetinen bosatylǵan.
Asqarbek Ertaev 1977 jyly Aqtóbe qalasynda dúnıege kelgen. Q.Jubanov atyndaǵy Aqtóbe memlekettik ýnıversıtetin, «Nur» Aqtóbe menendjment, bıznes jáne quqyq ınstıtýtyn bitirgen.
- Eńbek jolyn 1997 jyly Aqtóbe oblysy Muǵaljar aýdany ákiminiń apparatynda maman bolyp bastaǵan.
- 2000-2014 jyldary bank salasynda jumys istedi.
- 2014 jyly – QR Ekonomıka jáne búdjettik josparlaý mınıstrligi Saýda komıteti bas sarapshysynyń mindetin atqarýshy.
- 2014-2021 jyldary – QR Ulttyq ekonomıka mınıstrliginiń bas sarapshysy, basqarma basshysy, departament dırektorynyń orynbasary, departament dırektory.
- 2021-2022 jyldary – QR Prezıdenti Ákimshiligi Qaýipsizdik Keńesiniń Taldaý bóliminde sektor meńgerýshisi.
- 2022-2023 jyldary – QR Premer-mınıstri Keńsesiniń, QR Úkimeti Apparaty ekonomıkalyq bóliminiń meńgerýshisi.
- 2023-2024 jyldary – QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy.
- 2024-2025 jyldary – QR eńbek jáne halyqty áleýmettik qorǵaý vıse-mınıstri.