Eýropalyq odaq Ortalyq Azıa óńirine 110 mlrd eýrodan astam ınvestısıa saldy. Bul týraly Bishkekte «Eýropalyq Odaq – Ortalyq Azıa» ekonomıkalyq forýmynda QR Úkimet basshysy Asqar Mamın málim etti, dep habarlaıdy almaty-akshamy.kz QazAqparatqa silteme jasap.
«Ortalyq Azıa elderi táýelsizdiginiń 30 jyldyǵyn atap ótip jatqan kezeńde osy forýmnyń uıymdastyrylýy sımvoldyq mánge ıe. Osy merzimde bizdiń elderdiń qol jetkizgen progresi ulttyq ekonomıkalardy damytý men adamdardyń ómir sapasyn kóterý turǵysynan alyp qaraǵanda shyn máninde aýqymdy bolyp otyr. Osy oraıda bul órleýdegi eleýli úles qosqan eýropalyq seriktesterge alyǵysymdy jetkizgim keledi», - dedi Asqar Mamın.
QR Úkimet basshysy sońǵy 10 jylda Eýropalyq odaqqa múshe elder óńirge 110 mlrd eýrodan astam ınvestısıa salǵanyn jetkizdi. Bul óz kezeginde óńirge kelip túsken tikeleı shetel ınvestısıasynyń jalpy kóleminen 40 paıyzǵa jýyq úlesin qurap otyr.