Asqar Mamın Nur Otan partıasy baǵdarlamasynyń 2021 jylǵa arnalǵan nysanaly ındıkatorlarynyń oryndalýyn qamtamasyz etýdi tapsyrdy
QR Premer-Mınıstri Asqar Mamın Mádenıet pen bilim berýdi damytý máseleleri boıynsha Nur Otan partıasynyń saılaýaldy baǵdarlamasynyń jol kartasyn iske asyrý jónindegi shtab otyrysyn ótkizdi, dep habarlaıdy almaty-akshamy.kz
Mádenıet jáne sport mınıstri Aqtoty Raıymqulova Nur Otan partıasynyń saılaýaldy baǵdarlamasynda 2025 jylǵa qaraı 1500 mádenıet nysanyn salý jáne jóndeý boıynsha alǵa qoıylǵan mindetterdi iske asyrý barysy týraly baıandady.
Bıyl 89 mádenıet nysanyn salyp, 211 nysandy jóndeý kózdelgen. Qazaqstandyqtar men sheteldik týrıser arasynda tanymal etý maqsatynda Túrkistan jáne Atyraý oblystaryndaǵy respýblıkalyq mýzeı-qoryqtardyń aýmaqtarynda «Ordabasy» jáne «Saraıshyq» vızıt-ortalyqtaryn salý jumystary júrgizilip jatyr.
Mádenıet nysandaryn salý kestesin iske asyrý boıynsha jumys barysy týraly óńir ákimderi baıandady.
Bilim jáne ǵylym mınıstri Asqat Aımaǵambetov Nur Otan partıasynyń saılaýaldy baǵdarlamasyn iske asyrý aıasynda 2021 jyldan 2025 jylǵa deıingi kezeńde shaǵyn qalalarda, aýdan ortalyqtary men aýyldarda 5000 mektep jańǵyrtylatynyn baıandady.
Bıyl 1015 mektepti jańǵyrtý jumystary júrgizilýde, oǵan kúrdeli jáne aǵymdaǵy jóndeý, pán kabınetterin jabdyqtaý, mektep jıhazdaryn jańartý, mektep kitaphanalary men asqanalaryn damytý, qaýipsiz jaǵdaılar jasaý sıaqty baǵyttar kiredi.
Bul rette mektepterdiń 80%-ynda fızıka, hımıa jáne bıologıa pánderi kabınetteri ashylady. Petropavl jáne Shymkent qalalarynda bazasynda Nazarbaev Ýnıversıtetiniń tájirıbesi boıynsha ozyq óńirlik joǵary oqý oryndary qurylatyn ýnıversıtetter aıqyndaldy. Osylaısha, M. Qozybaev atyndaǵy Soltústik Qazaqstan ýnıversıtetiniń bazasynda qazirgi tańda Áleýmettik-gýmanıtarlyq ǵylymdar joǵary mektebi (Nazarbaev Ýnıversıtetiniń basqarýymen) jáne Tehnologıa jáne jaratylystaný ǵylymdary joǵary mektebi (AQSH Arızona ýnıversıtetiniń basqarýymen) quryldy.
M. Áýezov atyndaǵy Ońtústik Qazaqstan memlekettik ýnıversıtetiniń bazasynda daıarlaýdyń kelesi baǵyttary anyqtaldy: hımıalyq ınjenerıa jáne bıotehnologıa, toqyma jáne tamaq ınjenerıasy, aqparattyq tehnologıalar jáne energetıka, sáýlet, qurylys jáne kólik.
Premer-Mınıstr Nur Otan partıasynyń saılaýaldy baǵdarlamasynyń jol kartasyn iske asyrý boıynsha bıylǵa belgilengen nysanaly ındıkatorlardyń oryndalýyna qatań baqylaýdy qamtamasyz etýdi tapsyrdy.
- Nur Otan partıasynyń saılaýaldy baǵdarlamasyn iske asyrýda júıeli jumysty jalǵastyrý qajet. Partıanyń halyq aldyndaǵy barlyq mindettemeleri ýaqytyly oryndalýy tıis, — dedi Asqar Mamın.