Respýblıkalyq jedel-qutqarý jasaǵynyń qutqarýshylary taýda adasyp qalǵan qyzǵa kómektesti, dep habarlaıdy almaty-akshamy.kz QazAqparat tilshisine silteme jasap.
26 qyrkúıekte Respýblıkalyq jedel-qutqarý jasaǵynyń kezekshi bólimine taýda adasqan qyz týraly aqparat kelip tústi.
Tótenshe jaǵdaılar departamentiniń jedel kezekshisiniń aıtýynsha, boıjetken Qumbelsý shatqalyna deıin jalǵyz ózi baǵyt alǵan, alaıda soqpaqtan adasyp ketken. Abyroı bolǵanda, týrıs geolokasıalyq málimetti jibergen.
İzdestirý-qutqarý jumystaryna RJQJ qutqarýshylarynyń jedel toby shaqyryldy. Top jetekshisi Qumbelsý shatqalynan týrıske qaraı túsýge sheshim qabyldady. Kúnniń batyp ketýi joldan adasyp ketken týrısi izdeýge qıyndyq týǵyzdy Soǵan qaramastan, qyz tez tabyldy, ol joldan 200 metr qashyqtyqta boldy.
Jedel top joǵalǵan týrısi 27 qyrkúıek kúni tańerteń Medeýge deıin túsirip, týystaryna aman-esen tapsyrdy.