890 tekshe metr balshyq shyǵaryldy
Almaty oblysynyń Tekeli qalasyndaǵy TJ saldaryn joıýǵa QR TJM 28237 áskerı bóliminiń 100 qyzmetkeri men 7 birlik tehnıkasy jumyldyryldy, dep habarlaıdy Almaty-akshamy.kz.
Almaty oblysy TJD baspasóz qyzmetiniń málimetinshe, áskerı qyzmetshiler jáne jergilikti atqarýshy organdardyń arnaıy tehnıkasy jeke úıler men kósheler aýmaǵynan balshyq massasyn tazartý boıynsha jumystardy júrgizýde.
16 mamyr kúni saǵat 17.00-degi jaǵdaı boıynsha jalpy 890 tekshe metr balshyq shyǵaryldy, 81 reıs jasaldy. Qazirgi ýaqytta Qonaev kóshesi balshyq massasynan tazartyldy.
«Avarıalyq-qutqarý jáne kezek kúttirmeıtin jumystardy júrgizýge Almaty oblysy TJD-niń 8 qyzmetkeri men 3 tehnıkasy, polısıa bóliminiń 6 qyzmetkeri men 2 tehnıkasy, jergilikti atqarýshy organdardyń 20 qyzmetkeri men 10 tehnıkasy, 16 qyzmetkeri men 8 tehnıkasy, onyń ishinde «Qazseldenqorǵaý» MM-niń 3 samosvaly jumyldyryldy»,-delingen habarlamada.
Esterińizge sala keteıik, keshe 2022 jyldyń 15 mamyrynda saǵat 12.10-da Almaty oblysynyń Tekeli qalasynda (balshyq massasy, aldyn ala uzyndyǵy 50 metr, eni 25 metr, bıiktigi 3,5 metr, kólemi 4375 tekshe metr) sý tasqyny boldy. Saldarynan 5 jasar qyz qaıtys bolyp, turǵyn úıler zardap shekti.