Nur-Sultanda kúndiz naızaǵaı oınaıdy
17 mamyrda Qazaqstannyń elordasy men bes oblysynda daýyldy eskertý jarıalandy. «Qazgıdromet» RMK jel soǵyp, naızaǵaı oınaıtynyn málimdedi, dep habarlaıdy Almaty-akshamy.kz.
Kúndiz Qaraǵandy oblysynyń batysynda jáne soltústiginde naızaǵaı oınaıdy. Ońtústik-batystan jel soǵady. Kúndiz batysta, oblystyń soltústiginde jel ekpini 15-20 m/s jetedi.
Qaraǵandyda kúndiz naızaǵaı bolady. Ońtústik-batystan jel soǵady, kúndiz jel ekpini 18 m/s.
Batys Qazaqstan oblysynyń shyǵysynda, soltústik-batysynda naızaǵaı oınaıdy. Ońtústik-batystan, batystan jel soǵady. Kúndiz oblystyń batysynda jel ekpini 15-20 m/s bolady.
Soltústikte, Qyzylorda oblysynyń ortalyǵynda shańdy daýyl soǵady. Kúndiz soltústik-batystan soǵatyn jel soltústikte, oblys ortalyǵynda 15-20 m/s.
Soltústikte, batysta, kúndiz Aqmola oblysynyń ońtústiginde naızaǵaı oınaıdy, burshaq jaýýy múmkin. Ońtústik-batystan soǵatyn jel ekpini túnde soltústikte, oblystyń batysynda 15-20 m/s jetedi. Kúndiz basym bóliginde 15-20, oblystyń soltústigi men batysynda ekpini 23 m/s jetedi.
Nur-Sultanda kúndiz naızaǵaı oınaıdy. Ońtústik-batystan, batystan soǵatyn jel ekpini 15-20 m/s bolady.
Túrkistan oblysynyń taýlarynda kúndiz naızaǵaı bolady. Soltústikte shańdy daýyl soǵady. Kúndiz ońtústik-batystan soǵatyn jel ekpini 15-20 m/s bolady.