Qazaqstanda Qarýly kúshteri qyzmettik málimetterdi jiberý úshin otandyq Aitu messendjerine kezeń-kezeńmen kóshýdi bastaıdy, dep habarlaıdy qorǵanys mınıstrligi.
Bul sheshim sheteldik platformalardy paıdalanǵan kezdegi qaýipti azaıtýǵa baǵyttalǵan.
"Otandyq messendjerge kóshý – memlekettik qurylymdarda, onyń ishinde qorǵanys salasynda da qyzmettik aqparatty qorǵaý deńgeıin arttyrý boıynsha negizgi qadamdardyń biri. Buǵan deıin derekterdi jiberý úshin kóbinese sheteldik messendjerler qoldanylyp kelgen", - dep jazylǵan habarlamada.
Mınıstrlik málimetinshe, bul óz kezeginde qaýipsizdikke belgili bir qater tóndirýi múmkin. Al Aitu messendjeri Qazaqstan quzyretinde jáne derekterdi saqtaý men óńdeý talaptaryna tolyq saı keledi. Bul aqparat aǵynyn tolyq baqylaýǵa múmkindik beredi.
Aitu messendjerine kóshý kezeń-kezeńmen júzege asyrylady jáne proses 2025 jyldyń sońyna deıin aıaqtalady.
Jańa messendjer keń aýqymdy mindetterdi sheshý úshin qoldanylatyn bolady. Onyń ishinde jedel aqparat almasýdan bastap, jınalystar ótkizý men is-qımyldardy úılestirý sharalary da bar. Bul qaýipsizdik deńgeıin arttyryp qana qoımaı, ishki komýnıkasıany da ońtaılandyrýǵa múmkindik beredi.