Kúnniń Jerge qaraǵan betindegi daqtar kózge kórinbesteı azaıdy.
Bul týraly Reseı Ǵylym akademıasy Qoldanbaly astronomıa ınstıtýtynyń Kún zerthanasy málimdedi, dep habarlaıdy aqshamnews.kz.
Ǵalymdardyń aıtýynsha, jaǵdaı Kúnniń Jerge qarama-qarsy jaǵynda da osyndaı. Daqtar áli de bar, biraq olar sonshalyqty kishireıip ketkendikten, tipti ǵaryshtan túsirilgen sýretterde de baıqalmaıdy.
«Kún daqtarynyń kólemi men sany ádette jarqyldyq belsendilikpen baılanysty bolǵandyqtan, qazirgi jaǵdaı aldaǵy kúnderde jarqyldardyń bolý yqtımaldyǵy tómen ekenin kórsetedi», — dep túsindirdi mamandar.
Sonymen birge, olar daqtardyń azaıýyn meteosezimtal adamdar úshin jaqsy jańalyq dep atady. Alaıda radıobaılanyspen aınalysatyndar úshin kerisinshe, jaǵymsyz jaǵdaı qalyptasýy múmkin. Degenmen, meteosezimtal jandarǵa da birden jeńil bola qoımaıdy, sebebi seısenbi kúni Kúndegi koronaldy tesikke baılanysty jańa geomagnıttik tolqýlar kútilýde.
Buǵan deıin astrofızıkter Kún betinde asa iri daqtar shoǵyry paıda bolǵanyn, olardyń qýatty jarqyldarǵa sebep bolýy múmkin ekenin habarlaǵan edi.