2023 jyly áskerı ushqyshtardyń jalaqysy ortasha alǵanda 60 paıyzǵa ósedi.
Bul jóninde Memleket basshysy Qasym-Jomart Toqaev 5 mamyr kúni ótken Búkilarmıalyq keńeste málim etti, dep habarlaıdy Almaty-akshamy.kz Astanatv.kz-ke silteme jasap.
Sondaı-aq Prezıdent osy saladaǵy oqytýshylar men dárigerlerdiń jalaqysy da kóbeıetinin aıtty.
«Kelesi jyly áskerı ataq úshin tólenetin aılyq aqy 30 paıyzǵa artady. Olar turmysyna alańdamaı, el qorǵaýǵa saqadaı saı bolýy kerek», - degen Memleket basshysy áskerı qyzmetshilerdi zeınetaqymen qamtý máselesi de qaıta qaralyp jatqanyn atap ótti.
«Serjanttardy, ofıserlerdi áleýmettik qoldaý jumysy jalǵasady», – dedi Prezıdent.
Qorǵanys jáne qaýipsizdik salasy elimizdi turaqty damytý isinde aıryqsha mańyzdy ról atqarady.
«Aıbyndy armıa – qasıetti jerimizdi jáne elimizdi qorǵaıtyn senimdi qalqan. Halqymyz alańsyz ómir súrýi úshin áskerı qyzmetshiler óz mindetin múltiksiz atqarýy kerek», - dedi Qasym-Jomart Toqaev.
Sóz sońynda Prezıdent Otan kúzetindegi árbir jaýynger antyna adal bolatynyna senim bildirdi.