Qala qurylysyn baqylaý basqarmasy ınternet-resýrstardyń monıtorıńi barysynda Dostyq dańǵyly, 170/1 mekenjaıyndaǵy TK-de páterlerdi satý týraly habarlandyrý anyqtady, dep habarlaıdy Almaty-akshamy.kz.
Qala turǵyndaryna osy mekenjaı boıynsha turǵyn úı kesheninen jyljymaıtyn múlik satyp alýdan bas tartqan jón.
Menshik ıesi bul ýchaskede sáýlet-josparlaý tapsyrmasy bolǵan KTJ nysanaly maqsatymen qurylysty 2005 jyly bastaǵan, sodan keıin nysan birneshe jylǵa toqtatylǵan.
Keıin jer ýchaskesi basqa menshik ıesine berildi, ol sol ýchaskede zańsyz stasıonarlyq emes saýda obektilerin turǵyzdy. Basqarma menshik ıesine qatysty zańsyz saýda pavılondaryn buzýǵa talap aryz berdi. 2023 jyldyń 2 mamyrynda saýda nysandaryn buzý týraly sheshim qabyldandy. Sot sheshiminiń zańdy kúshine enýi kútilýde.
Medeý aýdandyq sotyna jyljymaıtyn múlikke, QMJ júrgizýge jáne ruqsat qujattamasyn berýge tyıym salý bóliginde talap qoıýdy qamtamasyz etýmen ǵımarattyń ózin buzýǵa taǵy bir talap aryz berildi. Sot prosesteri áli de júrgizilýde, sot-qurylys saraptamasy taǵaıyndaldy.
Jyljymaıtyn múlikti satyp alýdan buryn salynyp jatqan TK-ny qala qurylysyn baqylaý basqarmasynyń +7 (727) 229-81-36 jedel jelisiniń nómiri boıynsha qujattardyń tolyq paketiniń bar-joǵyn tekserýdi usynamyz.