2024 jylǵy 8-15 qyrkúıekte Astanada ótetin V Dúnıejúzilik kóshpendiler oıyndaryna daıyndyq máselesi Premer-Mınıstrdiń orynbasary Altaı Kólginovtiń tóraǵalyǵymen ótken keńeste talqylandy, dep habarlaıdy Almaty-akshamy.kz.
Memleket basshysy elimiz úshin mańyzy zor is-sharany óte joǵary deńgeıde uıymdastyrýdy tapsyrdy. Aıta ketý kerek, Qazaqstannyń Oıyndardy ótkizýge ótinimin túrki qaýymdastyǵy biraýyzdan qoldaǵan bolatyn.
Dúnıejúzilik kóshpendiler oıyndaryna álemniń túkpir-túkpirinen, tipti dástúrli túrde kóshpeli sanalmaıtyn elderden komandalar qatysady dep josparlanyp otyr. Jarys qazaq kúresi, kókpar, qusbegilik, asyq atý, aýdaryspaq, toǵyzqumalaq sıaqty qazaqtyń ulttyq sport túrlerinen, sondaı-aq shet elderde damyǵan, biraq tamyry birtutas kóptegen basqa sport túrinen ótedi.
Sport jarystarynyń basty uıymdastyrýshysy – QR Mádenıet jáne sport mınıstrligi. QR Ulttyq sport túrleri qaýymdastyǵy úlken qoldaý kórsetedi.
«V Dúnıejúzilik kóshpendiler oıyndary jaqsy uıymdastyrylyp, joǵary deńgeıde ótýi úshin daıyndyqty búginnen bastaý kerek. Elimizde ulttyq sport túrlerine erekshe kóńil bólinedi, memleket ulttyq sportqa únemi qoldaý kórsetip otyrady. Osyǵan baılanysty Kóshpendiler oıyndary qazaqstandyqtardyń zor qyzyǵýshylyǵyn týdyratyny sózsiz. Sporttyq sheberlikti ǵana emes, sonymen qatar qazaqqa tán ashyqtyq pen qonaqjaılylyqty kórsetý, ata-babalarymyzdyń baı mádenı murasymen bólisý múmkindigi de zor mańyzǵa ıe», - dedi Altaı Kólginov.
Keńes sońynda vıse-premer múddeli mınıstrlikterge aldaǵy aılarda Oıyndardy ótkizý dıreksıasynyń uıymdastyrýshylyq-quqyqtyq nysanyn aıqyndaýdy, is-sharalar josparyn jáne respýblıkalyq uıymdastyrý komıtetiniń quramyn bekitýge usynýdy tapsyrdy.