Jıyn-joryq 8 qazanǵa deıin jalǵasady.
Quramynda Áskerı-teńiz kúshteriniń «Oral», «Saryarqa», «Mańǵystaý» zymyrandy-artıllerıalyq korablderi, «Alataý» mına-traldyq korabli jáne «Jaıyq» gıdrografıalyq kemesi bar top Kaspıı teńiziniń Qazaqstan sektoryndaǵy akvatorıasynda jıyn-joryq jasaıdy, dep habarlaıdy Almaty-akshamy.kz.
QR Qorǵanys mınıstrliginiń baspasóz qyzmeti málim etkendeı, jıyn-joryq 8 qazanǵa deıin jalǵasady. Osy ýaqyt ishinde áskerı teńizshiler áýede, teńizde jáne ózgermeli nysanaǵa oq atýdy júrgizedi, korablderdiń jaýyngerlik oqý-jattyǵýlardy ótkizedi, tar sý aılaǵynda, jaǵalaý mańynda jáne kúrdeli gıdrometeorologıalyq jaǵdaıda júzýin pysyqtaıdy.
Budan ózge, kemeler top quramynda birlesken manevr jasaıdy. Áskerı teńizshiler vahtany júrip bara jatyp aýystyrýdy uıymdastyrady, dabyl quralyn paıdalana otyryp aqparat berýdi júzege asyrady, sondaı-aq korabldiń ómirsheńdigi úshin kúres pen apatty jaǵdaıdaǵy kemeni tastap shyǵý jónindegi normatıvterdi pysyqtaıdy.
Osyndaı jıyn-joryqtar keme ekıpajdarynyń praktıkalyq daǵdylaryn jetildirýge, Áskerı-teńiz kúshteri júzý quramynyń áskerı-teńiz mashyq deńgeıin arttyrýǵa múmkindik beredi.