Qazir júıeli jumys júrgizilip jatyr.
Bilim jáne ǵylym mınıstri Asqat Aımaǵambetov muǵalimderdi kásibı merekesimen quttyqtady, dep habarlaıdy Almaty-akshamy.kz Baq.kz-ke silteme jasap.
«Qurmetti, qymbatty áriptester! Sizderdi kele jatqan kásibı merekelerińizben shyn júrekten quttyqtaımyn. Uly aǵartýshy pedagog Y.Altynsarın bylaı degen eken: «Men úshin bárinen de jaqsy muǵalim qymbat. Óıtkeni ol – mekteptiń júregi». Degenmen bizde ár túrli záýlim mektepter, ǵımarattar, keremet qurylǵylar bolýy múmkin. Biraq eń bastysy myqty, óz jumysyn súıetin jáne jan-jaqty qorǵalǵan muǵalimder qajet. Sol sebepti muǵalimderdiń múddelerin únemi qorǵap, bizdiń balalarymyz úshin aıanbaı jumys isteýi úshin biz de óz jumysymyzdy ári qaraı da júrgize beremiz», - dep aıtty ol.
Aımaǵambetov atap ótkendeı, Memleket basshysynyń qoldaýynyń arqasynda zań qabyldandy. Qazir júıeli jumys júrgizilip jatyr.
«Sizderdi merekemen quttyqtaı otyryp, qajymas qaırat, shyǵarmashylyq tabystar tileımin. Denderińiz saý bolyp, kóterińki kóńil-kúımen júre berińizder», - dep quttyqtaý sózin aıtty bas ustaz áriptesterine.