Teńdik jáne áskerı qajettilik
Almaty qalasynyń Bitimgerlik operasıalar ortalyǵynda Qorǵanys mınıstrligi men Halyqaralyq Qyzyl Kres komıtetiniń Qazaqstan Respýblıkasyndaǵy mısıasy arasyndaǵy ekijaqty yntymaqtastyq josparyna sáıkes qarýly qaqtyǵystar quqyǵy taqyrybynda kýrs uıymdastyryldy, dep habarlaıdy Almaty-akshamy.kz.
Kýrstyń ashylý saltanatynda Qorǵanys mınıstrliginiń Bitimgerlik operasıalar ortalyǵynyń bastyǵy, polkovnık Baýyrjan Nyǵmetýllın áskerı qyzmetshilerdiń halyqaralyq gýmanıtarlyq quqyq salasynan habardar bolý deńgeıin arttyrýǵa qosqan úlesi úshin Halyqaralyq Qyzyl kres Komıteti mısıasynyń ókilderine alǵysyn bildirdi.
Óz kezeginde, Qazaqstan Respýblıkasyndaǵy Halyqaralyq Qyzyl Kres komıteti mısıasynyń basshysy Jelko Lejaıa kýrs ótkizetin oryn usynǵany úshin ortalyq basshylyǵyna alǵysyn bildirdi.
Kýrs barysynda Qarýly Kúshterdiń, İİM, TJM jáne UQK Shekara qyzmetiniń áskerı qyzmetshileri BUU bitimgershilik operasıalarynda qoldanylatyn halyqaralyq gýmanıtarlyq quqyq normalarymen, soǵys júrgizýde tyıym salynǵan quraldarymen, teńdik jáne áskerı qajettilik, sondaı-aq mádenı qundylyqtardy qorǵaý qaǵıdattarymen tanysady.
Kýrs aıaqtalǵannan keıin tyńdaýshylarǵa sertıfıkattar tabys etiledi.