Búgin QR Ulttyq kitaphanasynda belgili zertteýshi, etnograf, aýyz ádebıeti úlgilerin jınaýshy-zertteýshi, Qazaqstan Jazýshylar jáne Jýrnalıser odaqtarynyń múshesi Daırabaı Tynyshbek Maılybaıulynyń týǵanyna 80 jyl tolýyna oraı «Syr eliniń perzenti» atty shyǵarmashylyq keshi jáne mereıtoı ıesiniń «Derek pen dáıek» atty kitabynyń tusaýkeser rásimi ótti, dep habarlaıdy Almaty-akshamy.kz.
⠀
Jıyn barysynda Ulttyq kitaphananyń dırektory Baqytjamal Ospanova quttyqtaý sózben ashyp, mereıtoı ıesine QR Ulttyq kitaphanasy daıyndaǵan «Tynyshbek Daırabaı» bıblıografıalyq kórsetkishin syıǵa tartty.
⠀
Sondaı-aq, shara barysynda QR Eńbek sińirgen qaıratkeri, Qazaqstan Jazýshylar odaǵy tóraǵasynyń orynbasary, aqyn Baýyrjan Jaqyp, jazýshy, «Balbulaq» jýrnalynyń bas redaktory Maǵıra Qojaqmetova, tarıh ǵylymdarynyń doktory, ál-Farabı atyndaǵy QUÝ profesory, QR Ulttyq Ǵylym akademıasynyń akdemıgi Bereket Káribaev, alashtanýshy-ǵalym, fılologıa ǵylymdarynyń doktory, «Arys» baspasynyń dırektory Ǵarıfolla Ánes, belgili ustaz Sábıt Imanǵalıev, etnograf-ǵalym, tarıh ǵylymdarynyń kandıdaty Táttigúl Qarataeva, pýblısıs-jazýshy Kólbaı Adyrbek, jýrnalıs, fılologıa ǵylymdarynyń kandıdaty Esenúl Kápqyzy sóz sóıledi.
Shara aıasynda Tynyshbek Maılybaıulynyń ómiri men shyǵarmashylyǵyna arnalǵan kitap kórmesi uıymdastyryldy.