Almaty qalasy boıynsha Qylmystyq-atqarý júıesi departamentine qarasty Bostandyq aýdandyq probasıa qyzmetiniń baqylaýyna 254 sottalǵan adam tirkelgen.
Probasıa qyzmetiniń ınspektorlary sottalǵandardyń áleýmettik beıimdelýi boıynsha jumysty arnaıy baǵdarlama boıynsha júrgizedi. Sonymen qatar baǵdarlamany júzege asyrýdan tys sottalǵandardan kómek kórsetý týraly kelip túsken ótinishter de jaýapsyz qalmaıdy. Olardyń memlekettik organdardan kómek alýyna probasıa qyzmetkerleri atsalysady.
Sottalǵan adamnyń alǵan bilimin, taǵy da basqa málimetterdi rastaıtyn qujattardyń bolmaýy sottalǵan tulǵalardyń qoǵamǵa beıimdelýine aıtarlyqtaı qıyndyq týdyratyny sózsiz.
Osyǵan oraı jyl basynan beri Bostandyq aýdany probasıalyq baqylaý bóliminiń qyzmetkerleri 27 sottalǵanǵa zańgerlik kómek kórsetti. Bolashaqta, memlekettik organdar arasyndaǵy elektrondy qujattar aınalymyn paıdalanýǵa jáne málimet bazalaryn biriktirýge baılanysty kómek kórsetý merzimderi edáýir qysqarmaq.