Ulttyq meıramdy nasıhattaıtyn #Naýryz2024 heshtegimen Tiktok jelisinde 27 myń beınerolık jarıalanǵan.
Osymen ekinshi jyl qatarynan QR Mádenıet jáne aqparat mınıstrliginiń, QR Týrızm jáne sport mınıstrliginiń jáne «Kazakh Tourism» Ulttyq kompanıasynyń qoldaýymen TikTok #Naýryz2024 onlaın-festıvalin ótkizdi.
Platforma qoldanýshylary #Naýryz2024 heshtegi boıynsha ózderiniń beınejazbalary jáne fotokontentterin qura otyryp, merekelik vırtýaldy festıválge belsene aralasty. Qazaqstandyqtar Naýryz meıramy qalaı atap ótiletini jáne oǵan daıyndyq týraly 27 myńnan astam beıne jáne fotokontent jasap, ótken jylǵy nátıjeden eki ese asyp túsken.
«Biz kezekti ret Qazaqstandaǵy TikTok qaýymdastyǵyna ózderiniń súıikti meıramyn tek otbasy men jaqyndarynyń ortasynda ǵana emes, sonymen birge platformanyń myńdaǵan qoldanýshylarymen birge atap ótýge múmkindik bergenimizge qýanyshtymyz. Bıyl qoldanýshylardyń ózderiniń tól mádenıetine degen qyzyǵýshylyqtary artqanyn baıqadyq. Bıyl olar ótken jylǵy Naýryz merekesine qaraǵanda eki esege kóp kontent jarıalady!», – dedi TikTok-tyń Shyǵys Eýropa men Ortalyq Azıadaǵy operasıalyq bóliminiń basshysy Ekaterına Blınes.
Bastamaǵa QR Mádenıet jáne aqparat mınıstrligi, QR Týrızm jáne sport mınıstrligimen birge «Kazakh Tourism» ulttyq kompanıasy qoldaý bildirdi.
«Bıylǵy bizdiń birlesken jobamyz tańqalarlyq nátıjelerimen qýantty. Sol merekelik mazmunnyń eki esege artýy qazaqstandyqtardyń ulttyq jáne mádenı qundylyqtarǵa barynsha nazar aýdara bastaǵanyn kórsetedi. Onyń ústine jyl ótken saıyn Naýryz meıramynyń aýqymy da ulǵaıyp jatyr. Osy jobaǵa qatysqan barsha otandastaryma alǵys aıta otyryp, jeńimpazdardy quttyqtaǵym keledi. Aldaǵy ýaqytta da bizdiń jobamyzdyń aýqymy burynǵydan da keńeıe túsedi dep oılaımyn. Óıtkeni, qundylyqtarymyzdyń baǵasy men mánin azamattarymyzdyń ortasynda ǵana emes, sonymen qatar sheteldik aýdıtorıa arasynda nasıhattaý jumystary osylaı júredi», – dedi «Kazakh Tourism» Ulttyq kompanıasynyń Basqarma tóraǵasy Qaırat Sádýaqasov.