İs-sharaǵa Qarýly Kúshterdiń 200-den astam psıhology qatysty
Saǵadat Nurmaǵambetov atyndaǵy Qurlyq áskerleriniń áskerı ınstıtýtynda Qarýly Kúshterdiń psıhologtarymen oqý-ádistemelik jıyny ótti, dep habarlaıdy Almaty-akshamy.kz Qorǵanys mınıstrliginiń baspasóz qyzmetine silteme jasap.
Áskerı psıhologıa – áskerı qyzmetshilerdiń jaýyngerlik is-qımylǵa qajetti erekshelikteri men qasıetterin qalyptastyrý men saqtaýdyń mańyzdy tetigi. Qarýly Kúshterde basqarý organdaryndyń bólimshelerinde, áskerı bólimder men batalóndarynda psıhologtardy qamtıtyn psıhologıalyq qyzmet jumys isteıdi.
Jıynnyń basty maqsaty – qıyn jaǵdaıǵa tap bolǵan áskerı qyzmetshilerge kómek kórsetýde psıhologıalyq jumysty uıymdastyrýdyń biryńǵaı tásilin ázirleý. İs-shara áskerı psıhologtardy áskerı ahýal faktorlarynan týyndaǵan jeke quram arasyndaǵy psıhogendik buzylýlarǵa baılanysty jumys ádistemesin oqytýǵa basa nazar aýdaryldy.
Bas shtab bastyǵynyń orynbasary – Tárbıe jáne ıdeologıalyq jumys departamentiniń bastyǵy general-maıor Serik Borambaevtyń basshylyǵymen ótken is-sharaǵa Qarýly Kúshterdiń 200-den astam psıhology qatysty.
Almaty qalasynyń jetekshi oqý oryndary men jergilikti atqarýshy organdarynan shaqyrylǵan mamandar sheberlik sabaqtaryn ótkizdi.
«Qatysýshylar tájirıbe almasyp, trenıńter barysynda stresstik jaǵdaılardaǵy psıhologıalyq ózin-ózi retteý tásilderine, jaýyngerlik jaǵdaılarda psıhologıalyq kómek kórsetýge jáne áskerı qyzmetshilerdi psıhologıalyq ońaltý jumysyna mashyqtandy»,-delingen habarlamada.
Jıyn barysynda Qarýly Kúshter qataryna áskerge shaqyrý kezinde azamattardy sapaly irikteý máselelerin talqylaýǵa da erekshe nazar aýdaryldy.
Atalǵan shara el Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń áskerı qyzmetshilerdiń moraldyq rýhyn saqtaýdy qamtamasyz etý, merzimdi áskerı qyzmettiń bedeli men qyzyǵýshylyǵyn arttyrý tapsyrmalaryn iske asyrý aıasynda ótti. Júktelgen mindetterdi sheshýde áskerı psıhologtardyń atqaratyn róli mańyzdy.