Almaty qalasyndaǵy Radıoelektronıka jáne baılanys áskerı-ınjenerlik ınstıtýtynda merzimdi áskerı qyzmetke shaqyrylǵan 130-ǵa jýyq sarbaz áskerı ant qabyldady, dep habarlaıdy aqshamnews.kz
Onyń ishinde elý sarbaz osy ınstıtýttyń kúzet rotasynda áskerı boryshtaryn ótese, qalǵandary aqpan aıynda Áýe shabýylyna qarsy qorǵanys áskerleriniń ártúrli áskerı bólimderine jóneltilmek. Oǵan deıin jas jaýyngerler kishi mamandyq boıynsha daıarlyq kýrsynan ótedi.
Bul azamattar ásker qataryna Qyzylorda, Jetisý, Almaty oblystarynan jáne Almaty qalasynan shaqyrylǵan. Ant qabyldaý kúnine deıin olar jas jaýyngerler kýrsynan sátti ótip, saptyq daıyndyqty meńgerdi, áskerı jarǵylardy oqyp, qarýdy qoldaný daǵdylaryn úırendi.
– Otan aldyndaǵy boryshymdy óteımin dep ózim sheshim qabyldadym. Sebebi ár jigit bul joldan ótýi kerek dep sanaımyn. Ásker bizdi shyńdaıdy, minezimizdi qalyptastyrady, bul meniń bolashaqta naǵyz tulǵa bolyp qalyptasýyma óz septigin tıgizetinine senemin, – dep atap ótıi Almaty qalasynan shaqyrylǵan merzimdi áskerı qyzmetshi Mádı Zákir.
Saltanatty shara sarbazdardyń áskerı qolma-qol urys tehnıkasyn kórsetip, áskerı orkestrdiń súıemeldeýimen saltanatty túrde sap túzep ótýimen aıaqtaldy. Bul sát ata-analary men týystaryna balalary úshin zor maqtanysh pen qýanysh sezimin syılady, kóńilderin bosatty.
Áskerı ant qabyldaý rásiminen keıin týys-týǵandary úshin ınstıtýttyń oqý ortalyǵyna ekskýrsıa uıymdastyryldy. Ata-analar kazarma, asqana jáne basqa da nysandardy aralap, komandırlerge ózderin tolǵandyrǵan suraqtaryn qoıyp, oǵan jaýap aldy.
