Bul jobada shahardaǵy negizgi túıtkilder men aýqymdy máselelerdiń sheshimi kórsetilgen
Qalalyq máslıhat depýtaty Ásıa Aqanova búginde medısınalyq mekemelerdiń qoljetimdiligi, qyzmet alý sapasy ózekti ekenin aıtty, dep habarlaıdy Almaty-akshamy.kz.
Atalmysh túıtkilderdi sheshý úshin 15-ke jýyq densaýlyq saqtaý nysanyn salý, jas mamandardy halyqaralyq deńgeıde oqytý, kópbeıindi stasıonarlardyń sanyn arttyrý kózdelipti. Megapolıstiń damýyn qamtamasyz etetin qujatqa jergilikti halyq ta qatysyp, túzetýler men usynystar engize alady.
«Men qala halqyn belsendilik tanytýǵa shaqyramyn. Óıtkeni turǵyndardyń buǵan deıin ózderi kóterip júrgen máseleleri sheshimin tabady. Qazir bárimizdiń birlesip qalamyzdy jańǵyrtýǵa, ómir súrý sapasyn arttyrýǵa jáne jaıly orta qalyptastyrýǵa múmkindigimiz bar», – dedi qalalyq máslıhat depýtaty Ásıa Aqanova.