"Almaty ákimdigi «Almaty – adamdar úshin jahandyq qala» baǵdarlamasynda keleshekte qolǵa alynatyn irgeli ister baıandalǵan", - deıdi ál-Farabı atyndaǵy QazUÝ jýrnalısıka fakúltetiniń profesory Jetpisbaı Bekbolatuly.
«Almaty qalasyn damytýdyń 2025-2030 jylǵa arnalǵan damý josparynda búgingi kúnniń problemalary oı eleginen ótkizilip, keleshekte qolǵa alynatyn irgeli ister baıandalǵan. Onda Ońtústik astananyń mádenıetin, ekologıasyn jáne ınfraqurylymyn órkendetý máseleleri sheshimin tapqan. Bul baǵdarlamada kóp nárse qamtylǵan. Kólikten bastap bilimge deıin. Tipti jylý elektr stansıalaryn gazǵa aýystyrý josparlanǵan. Almatynyń árbir turǵyny qalanyń ekologıasyna alańdaýly. Sol sebepti osy atalǵan máseleni sheshý úshin bárimiz atsalysýymyz kerek», – dedi Jetpisbaı Bekbolatuly.
Qala turǵyndary baǵdarlamamen tanysyp, óz usynysyn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.