Almaty ákimdigi «Almaty – adamdar úshin jahandyq qala» baǵdarlamasyn ázirledi, onda megapolısti 2025 jylǵa deıin damytýdyń negizgi basymdyqtary men 2030 jylǵa deıingi orta merzimdi perspektıvalar kórsetilgen. Qala turǵyndary baǵdarlamamen tanysyp, óz usynystaryn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.
Abaı atyndaǵy QazUPÝ oqytýshysy Maqsat Jaqaýov 2025-2030 jyldarǵa 50-100 paıyzben mektep avtobýstarymen qamtamasyz etý bastamalary durys jasalǵanyn aıtty, dep habarlaıdy almaty-akshamy.kz almaty.tv silteme jasap.
«Almaty qalasynyń birden-bir úlken máselesi, kóshelerdegi jol keptelisteri. Eger qala josparyndaǵydaı, mektep avtobýstaryn engizetin bolsa, kóshe tyǵyndarynyń 15 paıyzǵa azaıyp, jurt dittegen jerine qınalmaı barýshy edi. Sebebi kóp mektepter qala ortalyqtarynda bolǵan soń, balasyn mektepke óz kólikterimen ata-analary aparyp jatady. Sondyqtan, 2025-2030 jyldarǵa 50-100 paıyzben mektep avtobýstarymen qamtamasyz etý bastamalary durys. Bul - bilim salasyndaǵy jańalyqtardyń biri», – dedi Maqsat Jaqaýov.
Onyń aıtýynsha, al dýaldi júıemen arnaıy kolejderdiń bilim alýshylaryn jumys berýshilerdiń mekemelerinde kásibı tájirıbesimen qatar ótkizýge qol jetkizý, bul álemdik praktıkanyń úlgisinde júrý degen sóz. 18 mamandanǵan ortalyqtyń qurylýy, qysqa merzimdegi NEET jastaryna qaıta daıarlaý kýrstaryn keńinen júrgizý kóptegen áleýmettik máselelerdi sheship, jumyspen qamtý deńgeıi edáýir ósedi.
«Almaty qalasynda 250 myńǵa jýyq stýdent oqıdy, sonyń 60 paıyzy shalǵaıdan kelip oqıtyndar. Olarǵa álbette jataqhana jetispeıdi. Qala jospary boıynda 2025 jylǵa deıin 12 myńdyq, 2030 jylǵa deıin 20 myńdyq oryndyq jataqhanamen qamtý árıne, kúrdeli de biraq óte qajet qadamdar. Eger stýdentterge qoljetimdi jataqhana oryndary bolsa, ata-analar da tynysh, ýnıversıtetterdiń de ýaıymy azaıar edi», – dedi ol.
Aıta keteıik, Almaty ákimdigi «Almaty – adamdar úshin jahandyq qala» baǵdarlamasyn ázirledi. Joba jeti bólimnen turady, olar: «Jaıly qalalyq orta», «Turaqty ekonomıkalyq ósý», «Basqarylatyn ýrbanızasıa», «Áleýmettik ornyqtylyq pen turaqtylyq», «Jasyl Almaty», «Smart sıtı», «Qaýipsiz qala».
Almatyny keńistiktik damytýdyń negizgi mindeti – jaıly qalalyq orta qurý jáne qalanyń barlyq aýdandarynda ómir súrý sapasyn arttyrý. Ol úshin úsh basym bastama aıqyndaldy: Almatyny kóportalyqty damytý, qoǵamdyq kóliktiń damyǵan júıesi jáne aýdandardyń baılanystylyǵy, jańa tarıftik saıasatty engizý jáne shyǵyndardy azaıtý arqyly TKSH qyzmetteriniń sapasyn jaqsartý.