4 qańtarda Memleket basshysynyń Jarlyǵymen Asqat Aımaǵambetov Oqý-aǵartý mınıstri laýazymynan bosatylǵan edi.
Burynǵy Oqý-aǵartý mınıstri Asqat Aımaǵambetov elordadaǵy bedeldi JOO-nyń birinde ustazdyq etýdi josparlaýda, dep habarlaıdy Almaty-akshamy.kz Elorda.info saıtyna silteme jasap,
«Qazir ýaqytymdy balalarymmen ótkizip jatyrmyn. Olardyń tárbıesine mán berip, balabaqsha, mektepke alyp baryp, ákelýmen aınalysyp júrmin. Jýyrda Astana qalasyndaǵy iri ári sapaly bilim beretin ýnıversıtetterdiń biri usynys bildirdi. Biraz tájirıbeńiz bar, stýdenttermen bólisseńiz dedi. Ózim pedagog, oqytýshy bolǵannan keıin maǵan ol jaqyn. Qarapaıym oqytýshy bolyp, stýdenttermen jumys isteý degen usynysty qabyldadym. Qazir qujattarmen ıaǵnı oqý baǵdarlamasymen aınalysyp jatyrmyn», - dedi Asqat Aımaǵambetov tilshi Nartaı Aralbaıulyna bergen suhbatynda.
Eks-mınıstrdiń aıtýynsha, oqytýshy bolýdan basqa da usynystar túsken.