Dúısenbide Túrkıanyń ońtústik-shyǵysyndaǵy Gazıantep provınsıasynda 6,4-6,6 magnıtýdaly, keıin 7,4 magnıtýdaly qýatty jer silkinisi boldy.
Bul týraly Memlekettik tótenshe jaǵdaılar basqarmasy (AFAD) málim etti, dep habarlaıdy Almaty-akshamy.kz. QazAqparatqa silteme jasap.
Agenttik málimetinshe, 6,4 jáne 6,6 magnıtýdaly eki jerasty dúmpýi Nýrdagy aýdanynda, 6,6 magnıtýdaly jer silkinisi Islahıe aýdanynda tirkelgen. Zilzaladan ǵımarattar qıraǵan. AFAD málimetinshe, 7,4 baldyq jer silkinisi Kahramanmarash provınsıasyndaǵy Pazardjık aýdanynda jergilikti ýaqyt boıynsha 04:17-de 7 km tereńdikte bolǵan. Sodan keıin jer silkinisi ár túrli aımaqtarda - Adana, Ankara, Antalá, Gazıantep, Kaıserı, Mersın, Trabzon, Ýrfada jarty saǵat boıy sezilgen.
Túrkıanyń TRT memlekettik telearnasy tikeleı efırde Túrkıanyń ońtústik-shyǵysynda ornalasqan provınsıalardyń kadrlaryn kórsetti. Onda turǵyndar sýyqqa qaramastan, zilzala qaıtalanýynan qorqyp, úılerin tastap ketip jatyr.
Aldyn ala málimet boıynsha, Shanlyýrfa provınsıasynda kem degende 16 úı qırady.
Túrkıadaǵy jer silkinisinen keıin dabyldyń eń joǵary deńgeıi jarıalandy.
«Elde dabyldyń eń joǵary deńgeıi jarıalandy. Biz Tótenshe jaǵdaılar basqarmasymen birge óńirge qutqarýshylar jiberdik», - dedi eldiń İİM.
Zilzalada zardap shekken aýdandarǵa gýmanıtarlyq kómekter artylǵan júk ushaqtary da ushyrylmaq, ol halyqaralyq kómekti qarastyrady.