Karnavaldar baǵdarlamasynda qaıyqtar sherýi, sándi saraılardaǵy baldar, Arsenal verfteri jáne San-Marko alańyndaǵy mýzykalyq qoıylymdar bar. Uıymdastyrýshylar venesıalyqtar men týrıserdi kostúm tańdaýǵa shyǵarmashylyqpen qaraýǵa shaqyrdy. Bıylǵy taqyryp – astrologıanyń jeke tulǵaǵa áseri jáne juldyznama belgilerin «ekstravagantty» kórsetý.
Venesıada karnavaldar maýsymy ashyldy. Mereke pandemıadan keıin alǵash ret burynǵy sıpatta ótip jatyr, dep habarlaıdy Almaty-akshamy.kz. QazAqparatqa silteme jasap.
Qaladaǵy is-sharalardyń kópshiligi tegin, palassodaǵy keshter bıletpen ótedi. Venesıada jáne basqa da lagýna qalalarynda merekeler 21 aqpanǵa deıin jalǵasady.
Apennındegi taǵy bir iri karnaval Toskana aımaǵyndaǵy – Vıaredjoda bastaldy. Jergilikti deńgeıdegi bul karnaval venesıalyq karnavalǵa qaraǵanda jasyraq – bıyl oǵan 150 jyl bolady. Munda halyqtyq merekelerdi saıası satırasyz jáne ózekti máselelerdi mazaq etpesten elestetý múmkin emes. Lıgýrıa teńiziniń jaǵalaýyndaǵy karnavaldyń basty belgileriniń biri – ataqty adamdardyń pape-masheden jasalǵan alyp fıgýralarynyń sherýi.