«Aýyl – el besigi» jobasy aıasynda respýblıka boıynsha 238 aýyl qamtylyp, 1,5 myń nysan salynyp, jóndeldi.
Bul týraly Ortalyq komýnıkasıalar qyzmetinde ótken brıfıńte Ulttyq ekonomıka mınıstri Áset Erǵalıev málimdedi.
«Tıisti jumystar bıyl da jalǵasyn tabady. Árbir aýylǵa arnalǵan ár joba naqty baqylaýda bolady. Atalǵan joba aıasynda ınfraqurylymdy jóndeý, tartý, áleýmettik nysandar salý maqsatynda 2025 jylǵa deıin 800 mlrd teńge baǵyttalady. Osy jobalar arqyly árbir aýyldy sapaly aýyz sýmen qamtý máselesi sheshiledi. Sondaı-aq, keń jolaqty ınternet jelisimen tolyqtaı qamtylady. Jergilikti joldardyń 95% salynyp, jóndeledi», - dedi mınıstr.