Memleket basshysynyń «Qazaqstan» telearnasyna bergen eksklúzıvti suhbatyn kórgen bolarsyzdar. Elimizde oryn alyp otyrǵan jaıttarǵa qatysty tolyq ári naqty jaýap berdi dep oılaımyn jáne halyq ta osyny kútti.
Óıtkeni qoǵam reformalarǵa zor úmit artyp otyr. Keshegi qańtar oqıǵasy bárimizge sabaq!
«Qandaı túbegeıli ózgerister bolatynyn qazir aıta almaımyn. Biraq biraz ózgerister bolady. Bul týraly Májiliste sóılegen sózimde aıttym. Men bastapqyda jańa saıası reformalardy kúzde jarıalaımyn dep oılaǵam, biraq saıası reformalardy naýryzdyń ortasynda halyqqa Joldaýymda usynatyn boldym. Qazirgi tańda jurt reformalardy zor úmitpen kútip otyrǵanyn bilemin. Sondyqtan, «Jańa Qazaqstandy birge quraıyq!» dep úndeý joldadym. Onda aıtylǵan máselelerdi kópshilik qoldap otyr», - dedi Qasym-Jomart Toqaev «Qazaqstan» ulttyq telearnasyna bergen suhbatynda.
Sebebi reformalar elimizdiń ekonomıkalyq damýyn jedeldetedi. Al ekonomıkalyq turǵyda damý áleýmettik problemalardyń birden-bir sheshimi.
Sondyqtan da men prezıdenttiń ustanǵan saıası baǵytyn durys dep sanaımyn!
Eger suhbatty kórip úlgermegen bolsańyzdar qaraýǵa keńes beremin!
Týyrlyqqa tý ilip, ádiletti qoǵamdy birge jasaıyq!