145 mıllıon teńgege aldaǵan: iri alaıaqtyq jasady dep kúdiktelgen azamat Reseıden ekstradısıalandy
Kezekti alaıaqtyń ekstradısıa týraly QR Bas prokýratýrasy málimdedi, dep habarlaıdy aqshamnews.kz
Qadaǵalaýshy organnyń málimetinshe, ol Ońtústik Koreıadan avtokólikter jetkizemin dep ýáde berip, satyp alýshylardy tartymdy baǵamen qyzyqtyrǵan. Alaıda, aqyrynda aldanǵan adamdardyń aqshasyn alyp, 145 mıllıon teńgeni ıemdenip ketken. Bul oqıǵa 2023 jyly oryn alǵan.
Osydan keıin qaskóı qashyp ketken, prokýratýranyń habarlaýynsha, ol halyqaralyq izdeýge jarıalanǵan.
Qazaqstan azamaty 2024 jyldyń sáýirinde Reseı aýmaǵynda ustaldy. Ekstradısıadan keıin ony ýaqytsha ustaý ızolátoryna jibergen.
«Arzan koreı kólikterin satýshy» bes jyldan on jylǵa deıin bas bostandyǵynan aıyrylyp, múlki tárkilenýi múmkin.