Qazaqstan Respýblıkasy İshki ister mınıstrligi turǵyndardy tirkeý qajettiligin taǵy da eske saldy. Quqyq buzýshylyqtyń aldyn alý maqsatynda polısıa "rezeńke" páterlerdi tekserýdi bastaıdy. Bul sharanyń negizgi maqsaty — zańsyz kóshi-qondy toqtatý, dep habarlaıdy aqshamnews.kz
İshki ister mınıstrliginiń ókilderi azamattardy tirkeýsiz, qujatsyz turý nemese ýaqytsha turýǵa tirkeý jasamaı turý zańmen jazalanyp, aıyppul salynatynyn eskertti.
Qazirgi tańda tirkeýden ótý óte ońaı:
- Birinshi ádis — kez kelgen Halyqqa qyzmet kórsetý ortalyǵyna barý. Ol úshin jeke kýálik pen turǵyn úı ıesiniń qatysýy qajet.
- Ekinshi ádis — "Elektrondy úkimet" portaly arqyly onlaın tirkelý. Bul tásilde azamat ótinish beredi, al turǵyn úı ıesi kelisimin bildiredi.
- Úshinshi ádis — İshki ister mınıstrligi men bankterdiń mobıldi qosymshalary arqyly tirkeý. Bul ádis SMS-parol arqyly azamattyń jeke basyn tekserý, tirkeý jáne turǵyn úı ıesiniń kelisimin alý múmkindigin usynady.
Osy ádister arqyly azamattar tirkeýden ótip, zań talaptaryna saı bola alady.