2024 jyldyń basynan beri elimizde polısıaǵa otbasylyq zorlyq-zombylyq týraly 100 myńǵa jýyq ótinish tústi. Onyń ishinde 72 myń jaǵdaı boıynsha qorǵaý uıǵarymdary shyǵarylyp, 16 myń is sotta qaralyp, sheshim qabyldandy, dep habarlaıdy aqshamnews.kz
Sońǵy bes jylda áıelderge qarsy jasalǵan qylmystar sany eki esege qysqarǵany baıqalady. Statısıkaǵa sáıkes:
- Zorlyq-zombylyq qylmystary 37,9%-ǵa azaıdy;
- Adam óltirý faktileri 49,3%-ǵa tómendedi;
- Aýyr dene jaraqattary 8,7%-ǵa qysqardy.
Bul jetistikter quqyq qorǵaý organdarynyń, qoǵamdyq uıymdardyń jáne azamattardyń birlese jumys isteýiniń nátıjesi. Memleket tek zańdyq sharalarmen ǵana shektelmeı, zorlyq-zombylyqtyń aldyn alý maqsatynda keń aýqymdy sharalardy júzege asyrýda.
Áleýmettik jobalar men aqparattyq naýqandar arqyly otbasylyq qundylyqtardy nyǵaıtýǵa erekshe kóńil bólinýde. Sonymen qatar, zorlyq-zombylyqqa ushyraǵandarǵa jedel kómek kórsetý maqsatynda arnaıy ortalyqtar men senim jelileri jumys isteýde. Bul ortalyqtarda psıhologtar, zańgerler jáne áleýmettik qyzmetkerler zardap shekkenderge kómek kórsetip, olardyń qaýipsizdigin qamtamasyz etýge kómektesedi.
Otbasylyq zorlyq-zombylyqqa qarsy kúres – qoǵamdaǵy árbir adamnyń quqyǵyn qorǵaýǵa jáne qaýipsiz orta qalyptastyrýǵa baǵyttalǵan mańyzdy bastama.