Sot prosesi shıelenise tústi.
Bir kún buryn sottalýshy Antıkor qyzmetkerlerin ádiletsiz áreket jasady dep aıyptasa, búgin ózin qorqytyp, "Dıplomat" qonaq úıin basqa adamdarǵa atyna jazyp berýdi talap etken úsh adamnyń atyn atady, dep habarlaıdy Almaty-akshamy.kz.
Ulysmedia.kz aqparatyna júginsek, sot otyrysynda Muhamedıuly ózine kórsetilgen qoqan-loqy men psıhologıalyq qysymǵa Sybaılas jemqorlyqqa qarsy qyzmettiń qyzmetkeri Aıdos Tilendıev, sondaı-aq tergeýshiler Renat Iýsýpov pen Indıra Mamınbaevanyń qatysy bar ekenin málimdedi.
«Men keshe is "Dıplomat" qonaq úıiniń múddeleri boıynsha qozǵaldy degen málimdeme jasadym. Men naqty aıtqym keledi. Renat Iýsýpov birinshi kezdesýde bir ǵana suraqty sheshseńiz, murajaılar men sherýge qatysty barlyq basqa suraqtar alynyp tastalatynyn aıtty», – dedi sottalýshy.
Eks-mınıstrdiń tiziminde ekinshi tergeýshi Indıra Mamınbaeva, úshinshi – Sybaılas jemqorlyqqa qarsy qyzmettiń jedel qyzmetkeri Aıdos Tilendıev boldy.
Muhamedıuly "Dıplomat" qonaq úıi boıynsha isti atalǵan azamattar júrgizgenin aıtyp, 111 mıllıon teńge berýge kóndirgen de solar ekenin jetkizdi.
Qorǵaýshynyń sózin advokat Áıgerim Ánýarbek rastady. Ol Sybaılas jemqorlyqqa qarsy qyzmet sottalýshyǵa qysym kórsetýdi jalǵastyryp jatqanyn aıtty.
«Biz, ıaǵnı qorǵaýshy tarap, búgin eseńgirep qaldyq, óıtkeni sybaılas jemqorlyqqa qarsy qyzmet áli kúnge deıin meniń qorǵaýshyma qysym kórsetip keledi jáne jala jabý faktisi boıynsha qylmystyq is qozǵaımyz dep qorqytýda», — dep atap ótti ol.
Eske salaıyq, budan buryn sot otyrysynda jaýap alý kezinde eks-mınıstr ózine qarsy istiń oıdan shyǵarylǵanyn jáne tek qarjylyq múdde úshin, eń aldymen, «Dıplomat» qonaq úıine baılanysty qozǵalǵanyn aıtqan edi.
«Antıkor qyzmetkerleri meniń týystarym «Dıplomat» qonaq úıin basqa adamdardyń atyna aýdarsyn degen birneshe usynys berildi» - dedi ol.
Antıkor "bul aqparattyń shyndyqqa janaspaıtynyn" málimdedi.
“Muhamedıulyna 221 mıllıon teńge jymqyrdy degen aıyp taǵylyp otyr, onyń qylmysqa qatysy jınalǵan dáleldemelermen rastaldy, is-áreketterdiń biliktiligi prokýratýra organdarymen kelisildi. Onyń áreketterine qorytyndy baǵa sot arqyly beriledi", – delingen vedomstvo málimdemesinde.