Ulttyq mýzeıdiń burynǵy dırektory Arystanbek Muhamedıulynyń 8 jylǵa bas bostandyǵynan aıyryldy, dep habarlaıdy almaty-akshamy.kz
«Arystanbek Muhamedıuly QR Qylmystyq kodekstiń 28-baby 3-bóligi jáne 189-bóligi 4-tarmaǵy 2-tarmaǵy boıynsha quqyq buzýshylyq jasaǵany úshin kináli dep tanylsyn. 8 jylǵa bas bostandyǵynan aıyrý jazasy taǵaıyndalsyn», - dedi sýdıa Baǵlan Ydyrysov.
Eske sala keteıik, Ulttyq mýzeıdiń burynǵy dırektory Arystanbek Muhamedıuly ótken jyly 28 mamyrda qamaýǵa alynǵan edi.
Antıkor mýzeı basshysyna «Altyn adamnyń álem mýzeılerine sherýi» halyqaralyq kórmesin ótkizý barysynda qarjy jymqyrdy degen aıyp taqty.
Óz kezeginde Arystanbek Muhamedıuly sotta kinásin moıyndamady. Sondaı-aq, sot Arystanbek Muhamedıulyn úıqamaqqa aýystyrýdan bas tartqan bolatyn.
Antıkor maýsymnyń basynda «Dıplomat» qonaqúıine qatysty Arystanbek Muhamadıulyn tergeý aıaqtalǵanyn habarlady.