«Islam jáne izgi qoǵam» jyly aıasynda Qazaqstan musylmandary dinı basqarmasynyń Almaty oblysy boıynsha ókildigi jáne Almaty oblystyq dene shynyqtyrý jáne sport basqarmasynyń uıymdastyrýymen ótken «Imam barysy» atty týrnır óz máresine jetti.
Shara shymyldyǵyn Almaty oblysynyń bas ımamy Madıar Taǵaıbaıuly ashqannan keıin, Almaty oblysy din isteri basqarmasynyń «Din salasyndaǵy máselelerdi zertteý ortalyǵy» dırektorynyń mindetin atqarýshy Aqjol Maratuly, Almaty oblystyq dene shynyqtyrý jáne sport basqarmasynyń basshysy, grek-rım kúresinen 2008 jylǵy Beıjiń Olımpıada oıyndarynyń kúmis júldegeri Nurbaqyt Moldahmetuly, Almaty oblystyq Qazaqstan halqy Assambleıasy aqsaqaldar keńesiniń, Qonaev qalalyq ardagerler keńesiniń tóraǵasy Amangeldi Dánibekuly, Respýblıkalyq Taekvando Federasıasynyń qurmetti prezıdenti, qara belbeý 5 dan ıegeri Sovethan Qospaquly qatysýshylarǵa sáttilik tiledi.
Boz kilem ústinde ótken dodada balýandar 80 kelige deıin jáne +80 keliden joǵary salmaq boıynsha baq synady.
– 80 kg salmaq:
1. Ońǵarbek Damır (Eńbekshiqazaq aýdany) – kishi qajylyqqa joldama.
2. Isabaev Rýslan (Talǵar aýdany).
3. Qabylhan Almat (Talǵar aýdany).
+ 80 kg salmaq:
1. Sabýrov Asanǵoja (Qarasaı aýdany) – kishi qajylyqqa joldama.
2. Abdýlmajıt Abdýlqadyruly (Qarasaı aýdany).
3. Avraı Beısenbi (Jambyl aýdany).
Alǵash ret uıymdastyrylǵan bul sporttyq sharanyń maqsaty din qyzmetkerleriniń aýyzbirshiligin arttyrý, yntymaqtastyǵyn nyǵaıtý, baýyrmaldyq qatynastaryn kúsheıtý ekendigin aıta ketkenimiz jón.